ລາຍການ ສະຕິມາປັນຍາເກີດ ເລີ່ມອອກອາກາດຕັ້ງແຕ່ ວັນທີ 22 ເດືອນ 5 ປີ ພ.ສ 2554 (໒໕໕໔) ຄ.ສ 2011 (໒໐໑໑) ຈົນເຖີງປັຈຈຸບັນ 9 ປີ 11 ເດືອນ ປາຍ “ ສະຕິມາ ປັນຍາເກີດ ” ເປັນລາຍການໜຶ່ງທີ່ນອນຢູ່ໃນການຈັດຕັ້ງຂອງວິທະຍຸກະຈາຍສຽງແຫ່ງຊາດລາວ ແລະ ພາຍໃຕ້ການຊີ້ນຳນຳພາ ໂດຍ ກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ ສູນກາງ ອພສ ອອກອາກາດທຸກໆເຊົ້າ 6:00 ຫາ 7:00 ທຸກໆວັນ ທາງຄື້ນວິທະຍຸກະຈາຍສຽງແຫ່ງຊາດລາວ FM 95.00 MHz.

ສະຕິມາປັນຍາເກີດເປັນລາຍການທັມມະທີ່ສື່ສານເລື່ອງການນຳໃຊ້ທັມມະເຂົ້າໄປໃຊ້ໃນຊີວິດປະຈຳວັນ ເພື່ອໃຫ້ຮູ້ເທົ່າທັນບັນຫາ ແລະ ສາມາດແກ້ໄຂໄດ້ຢ່າງຖືກຕ້ອງຕາມທັມ ໂດຍເນັ້ນການສອນເອົາຄວາມຖືກຕ້ອງ ບໍ່ເອົາຄວາມຖືກໃຈ ໃຫ້ສາມາດເພີ່ງຕົນເອງ ມີຕົນເປັນແສງສະຫວ່າງ ແລະ ມີທັມເປັນທີ່ເພີ່ງ ມີທັມເປັນແສງສະຫວ່າງຮູບແບບການດໍາເນີນລາຍການ “ ເປັນແບບສົນທະນາຖາມຕອບແລະເປີດໂອກາດໃຫ້ຜູ້ຟັງທາງບ້ານໄດ້ໂທເຂົ້າມາຖາມບັນຫາ ທີ່ຂ້ອງຄາໃຈ ” ມີພຣະສົງທັງໝົດ 12 ຮູບ ແລະ ແມ່ ຂາວ 2 ຮູບ.

ຈຸດປະສົງຂອງລາຍການ

“ ເພື່ອຂັບເຄື່ອນພຣະພຸທທະສາສະນາເໝືອນກົງລໍ້ແຫ່ງທັມມະຈັກ ສ້າງພະລັງແຫ່ງຄວາມເມດຕາໃຫ້ເກີດຂຶ້ນແກ່ມວນມະນຸສສະຍະຊາດ ສາມາດດຳລົງຊີວິຕຢູ່ໃນໂລກໄດ້ຢ່າງຮູ້ເທົ່າທັນທຸກບັນຫາ ຢູ່ຮ່ວມກັນຢ່າງມີສັນຕິສຸຂ

ຄໍາຂວັນລາຍການ 

"ຖ້າທ່ານທຸກເພາະໂສກເສົ້າ ເຫງົາເພາະວຸ້ນວາຍ ຖ້າຢາກຫາຍຫັນມາຟັງລາຍການສະຕິມາປັນຍາເກີດ ”

ວິໄສທັດລາຍການ 

“ ສອນໃຫ້ເບີ່ງໂລກແບບພາຍໃນຕາມພຣະສາສະດາ ເພື່ອໃຫ້ພັດທະນາ ກາຍ ວາຈາ ໃຈ ໂດຍໃຊ້ ຫລັກໄຕຣສິກຂາ ໃນເບື້ອງຕົ້ນ ເພື່ອໃຫ້ທຸກຄົນຮູ້ເທົ່າທັນປັຈຈຸບັນ”

SatimaPayankerd (Recall the consciousness to develop wisdom) is the first Dhamma radio program in Lao PDR which was aired on 22 May 2011 B.C through Lao National Radio station FM 95:00 and 99.70 MHz. Fortunately, the program is under the guidance of the Lao Buddhist Fellowship Organization now.

ອາຈານ ຜູ້ດຳເນີນລາຍການສະຕິມາປັນຍາເກີດ

1.ພຣະອາຈານ ມະຫາອຸດອນ ວັດສຸວັນປະດິດ ບ້ານນາດີ

2.ພຣະອາຈານ ທະວີໄຊ ວັດປ່າວິໂມກ (ຊຳປັກແຮດ) 

3.ພຣະອາຈານ ຫຸມເພັງ ວັດນາທົ່ມ

4.ພຣະອາຈານ ຄຳໄຜ່ ວັດປ່າຕາດທອງ

5.ພຣະອາຈານ ແກ້ວພະຈັນ ວັດປ່າດົງໝາກຄາຍ

6.ພຣະອາຈານ ສົມຊາຍ ວັດວຽງທອງ

7.ພຣະອາຈານ ບຸນເລີຍ ວັດປ່າວິໂມກ (ຊຳປັກແຮກ)

8.ພຣະອາຈານ ອິນແປງ ວັດໂພໄຊ ນ້ຳຊວງ

9.ພຣະອາຈານ ສີສຸກ ສະເຫຼີມຄຸນ ວັດໂພນສະຫວັນ (ສາລາແດງ)

10.ແມ່ຂາວນ້ອຍ ແລະ ແມ່ຂາວບຸນມາ

ພາບບັນຍາກາດໃນຫ້ອງສົ່ງ