ຫຼ້າສຸດມີລາຍງານ ເມື່ອວັນທີ່ 1 ຕຸລາ 2021 ນີ້ ທີ່ວັດເພັງໂພໄຊຍາຣາມ ນະຄອນໄກສອນພົມວິຫານ ແຂວງສະຫວັນນະເຂດ ມີພຣະ​ສົງ​ສາມະເນນ​ ພ້ອມລູກວັດ ຕິດໂຄວິດ ສາຍພັນເດວຕ້າແລ້ວ 32 ກໍລະນີ ຈາກຄະນະລູກວັດທັງໝົດ 64ອົງພາຍໃນວັດ.

ເຊີ່ງຂະນະນີ້ ພຣະອາຈານ ແລະ ຄະນະລູກວັດທັງໝົດ ໄດ້ກັກຕົວຢູ່ສູນປິ່ນປົວພາຍໃນຈຸດໂຮງງານອັບເກນເດີ ທາງຂຶ້ນປ່າຊ້າຫຼວງ ທາງຂຶ້ນມະຫາວິທະຍາໄລສະຫວັນນະເຂດ.

ຟັງ​ສຽງ​ການໃຫ້ສຳພາດ ຂອງພຣະ​ອາຈານ​ ສໍລະສິນ ຫນື່ງໃນກໍລະນີ ທີ່ໄດ້ຮັບເຊື້ອ​ໂຄວິດ​19​ ສາຍ​ພັນ​ ເດ້ວຕາ.

ຂໍ​ໃຫ້​ພຣະ​ອາຈານ​ ສໍລະສິນ​ ໃສ​ສະຫວັນ​ ຮອງ​ເຈົ້າ​ຄະນະ ​ນະຄອນ​ໄກສອນ​ພົມວິຫານ,​ ຫົວໜ້າ​ຫ້ອງການ​ບໍລິຫານ​ງານ​ ອົງ​ການ​ພຸດ​ທະ​ສາດ​ສະ​ໜາ​ສຳ​ພັນ​ລາວ​ ນະຄອນ​ໄກສອນ​ພົມວິຫານ​,​ເຈົ້າ​ອາທີການ​ວັດ​ເພັງໂພໄຊຍາຣາມ ພ້ອມ​ດ້ວຍ​ຄະນະ​ສົງ ແລະ ລູກສິດ​ ທີ່ແຂວງ​ສະ​ຫວັນ​ນະ​ເຂດ​ ​ຫາຍ​ດີໄວໆ.

ແລະຂໍ​ໃຫ້​ພຣະ​ສົງ​ ແລະ ພຸດທະສາສະນິກກະຊົນ ​ມີ​ສະຕິ​ບໍ່ປະຫມາດ​ ລະມັດ​ລະວັງ​ຕົວ​ເອງ​ໃນ​ການ​ໃຊ້​ຊີວິດ​ ໃນໄລຍະ​ການ​ເເຜ່ ລະ​ບາດ​ຂອງ​ເຊື້ອ​ພະຍາດ​ໂຄວິດ​19 ​ນີ້ ນຳກັນເດີ້.