ງານປະຕິບັດວິປັດສະນາກັມມະຖານ ທີ່ວັດປ່າອານັນທະສີຈັນທາຣາມ (ວັດປ່າຕາດທອງ)

ວັດປ່າອານັນທະສີຈັນທາຣາມ ບ້ານຕາດທອງ ເມືອງສີໂຄດຕະບອງ ນະຄອນຫຼວງວຽງຈັນ ຈະໄດ້ຈັດງານປະຕິບັດກັມມະຖານປະຈຳປີຂຶ້ນ ໃນລະຫວ່າງວັນທີ 13 ຫາ 20 ພະຈິກ 2022.

ພີທີເປີດງານປະຕິທັມ ໃນຄັ້ງນີ້ ໄດ້ຈັດຂຶ້ນໃນວັນທີ 13 ພະຈິກທິ່ຜ່ານມາ ໂດຍການເປັນປະທານຂອງ ພຣະອາຈານໃຫຍ່ ມະຫາເຫວດ ມະເສໄນ ຮອງປະທານ ສູນກາງ ອົງການພຸດທະສາສະໜາສຳພັນ ແຫ່ງ ສປປ. ລາວ, ອົງຊີ້ນໍາວຽກງານກັມມາທິການເຜີຍແຜ່ສິລະທັມ ແລະ ປະຕິບັດກັມມະຖານ ສູນກາງ ພ້ອມດ້ວຍຄະນະ ເຊິ່ງມີຄະນະ ອພສ ເມືອງສີໂຄດຕະບອງ, ແນວລາວສ້າງຊາດເມືອງ, ອົງການຈັດ ຕັ້ງທຸກພາກສ່ວນທີ່ກ່ຽວຂ້ອງ ພ້ອມດ້ວຍພຸດທະສາສະນິກະຊົນເຂົ້້າຮ່ວມຢ່າງພ້ອມພຽງ.

ໂຄງການປະຕິບັດທັມໃນຄັ້ງນີ້ ມີຈຸດປະສົງເພື່ອເປັນການສົ່ງເສີມພຣະພຸດທະສາສະໜາ, ເພື່ອສືບທອດງານປະຕິບັດທັມປະຈໍາປີຂອງວັດປ່າອານັນທະສີຈັນທາຣາມ ເປັນການຮັກສາໄວ້ເຊິ່ງພຣະທັມຄໍາສັ່ງສອນຂອງພຣະພຸດທະເຈົ້າ, ເພື່ອປົກປັກຮັກສາຮີດຄອງອັນດີງາມທີ່ຕິດພັນກັບພຣະພຸດທະສາສະໜາ ແລະ ເພື່ອເຕົ້າໂຮມຄວາມສາມັກຄີຂອງພຸດທະສາສະນິກກະຊົນບັນດາເຜົ່າ, ເຊິ່ງໃນໄລຍະ 8 ວັນຂອງການປະຕິບັດທັມ, ຜູ້ເຂົ້າຮ່ວມຈະໄດ້ຮັບການອົບຮົມໃນພາກທິດສະດີ ແລະ ພາກປະຕິບັດ ເຊັ່ນ ການໄຫວ້ພຣະສູດມົນ, ເຝິກວິປັດສະນາກັມມະຖານ ກໍຄືການປະຕິບັດສະມາທິພາວະນາ, ຮັບຟັງການບັນຍາຍທັມຈາກຄູບັນດາຄູບາອາຈານ.

ໃນງານອັນເປັນສິລິມຸງຄຸນນີ້, ພຣະອາຈານໃຫຍ່ ມະຫາເຫວດ ມະເສໄນ ກໍໄດ້ເມດຕາກ່າວໃຫ້ຄໍາໂອວາດຕໍ່ການຈັດງານປະຕິບັດທັມໃນຄັ້ງນີ້ວ່າ (ໃສ່ວີດີໂອຍາທ່ານເຫວດເທດ-ຕ້ອງໄດ້ໃສ່)

ຖືເປັນງານປະຕິບັດທັມແຫ່ງທໍາອິດ ປະຈຳປີ 2022-2023 ເຊິ່ງຈະໄດ້ສືບຕໍ່ຈັດງານປະຕິບັດທັມໃນແຫ່ງ ອື່ນໆຕື່ມໃນຕໍ່ໜ້າ

ເປັນຕົ້ນແມ່ນ

- ງານປະຕິບັດທັມທີ່ວັດນາຫອຍ ເມືອງສັງທອງ ນະຄອນຫຼວງວຽງຈັນ ໃນລະຫວ່າງວັນທີ 6 ຫາ 11 ທັນວາ,

- ງານປະຕິບັດທັມ ທີ່ວັດທົ່ງກາງ ເມືອງຈຳປາສັກ ແຂວງຈຳປາສັກ ໃນລະຫວ່າງວັນທີ 11 ຫາ 20 ທັນວາ

- ງານປະຕິບັດທັມ ທີ່ວັດປ່າສິໂມກ ຂະວະນາຣາມ ຊໍາປັກແຮດ ທີ່ຈະຈັດຂຶ້ນໃນວັນທີ 19 ຫາ 25 ທັນວາ 2022 ທີ່ຈະມາເຖິງນີ້

ຫາກສາທຸຊົນທ່ານໃດທີ່ສົນໃຈໃນທັມ ກໍສາມາດມາຮ່ວມປະຕິບັດທັມຕາມວັນເວລາ ແລະ ສະຖານທີ່ທີ່ກຳນົດເອົາໄວ້ໄດ້.