ຊື່ເດີມ : ສາຍສະໝອນ ເທບມຸນິທອນ (ພຣະສຸຈິຕຕະວິຣະຍາໂນ )  ວັດໄຕຣປະຍາຣາມ ບ້ານປາກກະຍຸງໃຕ້. (ສາຍາເກົ່າເພິ່ນເອີ້ນວ່າ ເທພສະໂມສອນ) ເກີດ ວັນສຸກ ທີ 20 ມິຖຸນາ 1927 ບັນພະຊາເປັນສຳມະເນຣ ປີ 1943 ອຸປະສົມບົດເປັນພຣະພິກຂຸ ປີ 1947 ທີ່ວັດກາ ບ້ານປາກກະຍຸງ ເມືອງວຽງຄຳ ແຂວງວຽງຈັນ.

ສະມະນະສັກ : ພຣະຫຼັກຄຳສຸຈິຕຕະວິຣະຍານະ ມະຫາເຖຣະ ແລະ ພຣະອັຄຄະມະຫາ ສັດທັມະໂຊຕິກະທະຊະ (ລັດຖະບານປະເທດມຽນມ້າຖວາຍ) ອະດີດທີ່ປຶກສາ ອພສ ສູນກາງ,ທີ່ປຶກສາ ອພສ ແຂວງວຽງຈັນ ແລະ ອະດີດ ເຈົ້າອາທິການວັດໄຕຣປິຍະຣາມ.

ຍາທ່ານສາຍສະໝອນ ເທບມຸນີທອນ ພໍ່ແມ່ປາກກະຍຸງ ຖືວ່າເປັນເພັດນ້ຳເອກ ລ້ອງນ້ຳງື່ມ ໃນສະຕະວັດທີ່ 20-21 . ຍາທ່ານໃຫຍ່ເປັນຜູ້ມີອັດສະຣິຍະພາບ ໜັກແໜ້ນໃນທັມວິນັຍເປັນຊີວິດຈິດໃຈ ມີຈາຮິຍະວັດງົດງາມ,ລຽບງ່າຍ ມັກຫນ້ອຍສັນໂດດ. ຖວາຍຊີວິດໄວ້ໃນບໍວອນພຸດທະສາສະໜາຈົນເຖິງລົມຫາຍໃຈສຸດທ້າຍ.ລະສັງຂານແລ້ວໃນວັນ 20 ມັງກອນ 2021 ເວລາ 15:15 ໂມງ.

ສົບຂອງເພີ່ນຕັ້ງພໍ່າເພັງກຸສົນຢູ່ທີ່ ວັດໄຕຼປິຍາຣາມ ບ້ານປາກກະຍູງໃຕ້ ເມືອງວຽງຄຳ ແຂວງວຽງຈັນ, ມື້ສົ່ງສະການ ຍັງບໍ່ໄດ້ກຳນົດ